24 dekabr 2023-cü il tarixində “Gələcəyini Qur!” Gəncliyə Dəstək Layihəsi, onuncu ilinin (2023-2024-ci tədris ili) iştirakçıları və onların mentorları ilə tədbir həyata keçirdi.
Mentorlar öz komandaları ilə birlikdə əvvəlcə çay süfrəsi ətrafında müxtəlif tapşırıqlar etdilər. Çalışmaların müzakirəsi bitdikdən sonra iştirakçılar yeni il hədiyyəsi olan açıqcalarını aldılar. Daha sonra iştirakçılar tədbirin ikinci hissəsi üçün Heydər Əliyev Mərkəzinə yola düşdülər. Səfər zamanı layihə iştirakçıları Azərbaycan tarixi və mədəniyyəti ilə daha yaxından tanış oldular.
Muzeydə ekskursiya bitdikdən sonra xatirə şəkli çəkildi. Qeyd edirik ki, Layihənin 10-cu ili “PASHA Holding”, “Veysəloğlu” Şirkətlər Qrupu, “BakerTilly”, “İpəksu” şirkətlərinin maliyyə dəstəyi ilə həyata keçirilir.
