14 fevral 2025-ci il tarixində “Gələcəyə kitab bağışla” aksiyası çərçivəsində “Cığır” İctimai Birliyində Beynəlxalq Kitab Bağışlama günü qeyd olundu.
Tədbirdə şagirdlərin kitab oxumağa olan həvəsini artırmaq üçün oyunlar formatında müzakirələr təşkil olundu, fəallığı ilə seçilən yeniyetmələrə “Balaca şahzadə” kitabı hədiyyə edildi. Tədbirin sonunda “Cığır” İB-nin kitabxanasına 74 ədəd kitab hədiyyə olundu.
Qeyd edək ki, “Gələcəyə kitab bağışla” aksiyası 2022-ci ildən etibarən hər il fevral ayının 14-ü Beynəlxalq Kitab Bağışlama günü münasibətilə keçirilir. Builki aksiya çərçivəsində kitablar “Cığır” İB ilə yanaşı, “Azərbaycan Uşaqları” İB və iki region məktəbinə (Cəlilabad və Masallı) hədiyyə olundu.
